Bakit Ang Buhay Ay Sadyang Kay Tamis Ngunit May Halong Pait

Naalala ko pa,  naisipan kong isulat ang post na ito noong nasa ikalawang taon pa lamang ako sa Mataas na Paaralan. At noong hinahalungkat ko mula sa aking isipan kung bakit nga bang naisipan kong mag-sulat nito, naisip ko na lang na kung minsan, ang tao ay nadadala sa kanyang emosyon. Minsan, ang tao ay pabigla-bigla sa kanyang damdamin nang hindi naiisip kung ano ang sinasabi niya. Tulad na lamang ng nakikita ninyo ngayon sa pamagat na hanggang ngayon ay hindi ko maalala kung bakit ko naisulat. Siguro dahil sa mababang grado? O baka naman sa sawing pag-ibig? O pamilya? Hindi ko na maalala kung ano ito.

Siguro bilang panimula sa mundo ng blogging, maitatangi ko siguro ito  bilang isang paraan upang kumawala mula sa mundong ating kinalalagyan. Isang paraan upang pansamantalang tumakas mula sa masaya, magulo, mapait, na buhay natin, depende kung ano sa tatlo ang meron ka. Siguro isa itong paraan upang maibahagi mo ang iyong nararamdaman na hindi inaasahang may makikinig o may manunuod sayo. Para kang isang   sinto-sintong nakaharap sa harap ng salamin at kinakausap ang sarili mo ng paulit-ulit. Ngunit, sa pakikipag-usap mo sa iyong sarili, mas natutuklasan mo kung sino ka talaga.

At ngayon, kung babalikan kung bakit ko naisulat sa pamagat ang mga katagang “Bakit ang buhay ay sadyang kay tamis ngunit may halong pait!”, ito ay isang paraan ng aking pagkawala sa realidad at muling pagtuklas sa aking sarili.

Ngayong paalis na ako sa Mataas na Paaralan, naging salamin ko ang pamagat na ito upang mas isipin na ang buhay ay parang isang kape. Nasa nagtitimpla ang huling salita kung ang kape ay matamis o mapait. Nais kong simulan ang aking bagong kabanatang haharapin sa pamamagitan ng isang matamis na ngiti.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s