Halalan o Kalakalan?

Ang Pilipino ay dumaan na sa maraming mga henerasyon ng mga kandidato na naluklok sa ating pamahalaan. Marami ng klase ng pulitiiko ang nasilayan ng bawat Pilipino. Mayroong mga elitista na mula sa mga kilalang pamilya ng ating bansa. Mayroong mayayaman na tila pagmamay-ari na nila ang buong Pilipinas. Mayroon ring mga gusto rin lang sumikat at makilala kaya sila tumatakbo. Mayroon ring talaga namang wala lang magawa sa buhay. Pero teka. Bakit tila ganito na lang ata parati ang nagiging tingin ng mga Pilipino? Bakit parang ang sagradong karapatan ng pag-halal sa mga pulitiko ay nagiging isang negosyo.

Mayroon tayong mga pulitiko  na tila sila sila na lamang ang nagpapaktakbo. Sa ating batas, ipinagbabawal ang political dynasty ngunit malinaw nga ba sa ating lahat ang mga hangganan nito. Kung susuuriin ang dalawang salitang ito, ang dynasty ay nangangahulugang pag papamana ng pusisyon sa pamahalaan o lipunan. Pulitika naman ay nangagahulugang pamahalaan. Sa madaling salita, ito ay pagpapasa ng posisyon sa pamahalaan sa kapwa kapamilya. Eh bakit nga ba ito ipinag babawal? Ito ay sa kadahilanang magkaroon ng pagkakataon upang makapamuno sa pamahalaan. Sa ngayon ito lang ang alam ko, pero kung ano man ang nakasaad sa batas ay hindi ko na sakop iyon. Ang punto? Linawin ang patakaran. Dapat hayag sa lahat ng tao kung ano ang mayroon tayo sa batas. Hindi yung iilan lamang ang nakaka-alam. Ang hirap kasi sa atin, kaunti na nga ang nakaka-alam, hindi pa ipinapaalam sa iba. Eh pano yung mayroong walang-wala? Lalong wala? Patay,,,

Pangalawa naman sa mga usap-usapan ngayong halalan ay kung mayroong karapat-dapat na ihalall ngayong eleksyon. Hindi mo ba napapansin? Pareparehong pangalan ang makikita. Tila ba umay na ang mga Pilipino sa mga inihahaing kandidato sa kanila. Ngunit, sabi nga nila, kung ano ang nakahain, iyon ang kainin. Sa hapag kainan, mayroong masarap na pagkain, mayroon rin namang saksakan ng pangit ng lasa. Ngunit ano ba ang mahalaga para sa katawan? Iyon ay ang kalusugan. Inaamin ko masarap nga naman ang litson, adobo, tinola at kung anu-ano pa. Pero makabubuti ba ang mga ito sa kalusugan? Siguro pero dapat balansiyado. Iwas din tayo sa mga “junk food” dahil ito ay makasasama sa kalusugan.

Ganyan rin ang halalan. Kahit gaano pa kasarap ang maibigay na pang meryenda sa inyo. Kahit gaano pa kalaki ang utang na loob mo sa pulitikong ito. Kunsensiya pa rin ang masusunod… DAPAT MASUNOD. Hindi dapat magpabaling sa mga impluwensiya ng kung sino man. Tandaan mo, na sa iyo ang huling hatol. Hatol na magpapabago sa lipunan sa susunod na tatlong taon.

Alam mo, maswerte ka at ikaw ay maaring bumoto. Sa ngayon hindi pa ako maaring bumoto dahil hindi pa akma ang edad ko. Pero ikaw. Ikaw na mas nakakatanda at mas may alam sa akin. Inaasahan kong tama ang gagawin mo.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s